KK1-2786 - Jahkrai ma dawau u tai mat ai (Orphan who became a dawau bird)

Transcription (Lu Hkawng) Moi i shawng de i jahkrai ma langai mi i Dawau U tai wa ai shi kanu (ashe) si shakram da shawng nu kanu wa si shakram da kawa gaw hpang num bai la re ai da. Hpang num bai la re she dai hpang num jan gaw i shawng num na kasha hpe e n ra ai le hpang num n ra nna dai hku nga re hpang num mung kasha lu sai da. Shan nau lahkawng sha nga ai she re wa kanu kanu gaw hpang num kanu gaw n ra na na kasha hpe gawt kau su htaw na kasha hpe nam de sa sa da su hkrai ngu ai da. Shi gaw shi kasha rai nga gaw sa sa gaw n ja rai jang she htaw shan nau lahkawng hpe sha hpang num na kasha hte shawng num na kasha hpawn re nna kalang ta sa sa da ai da. Htaw nam de sa sa da shan nau lahkawng sha sa sa mat wa ai da, rai tim kanu sa sa da ai kaw kanu gaw hpang num kanu re nga shi na kasha hpe gaw Shirap katsing jaw ai da, Shirap katsing jaw nna shawng num na kasha hpe gaw Shirap jahkut kayi da chyalu i dai wa jaw ai da. Htaw nam de sa sa da, nam maling de sa sa da, nam maling mala de nga nga yang she, dai sa sa da nna nga re she, Dai hpang num na kasha gaw i hpang e gaw Shirap katsing re nga gaw marang htu yang gaw tu mat wa sai gaw marang htu tu mat wa re dai kaw tu mat re shi gaw ndai sha ntu yang hkum wa e ngu ai da, hpang num na kasha gaw Shirap tu na wa sai da, oh nta yu mat wa re jahkrai ma na dai shawng num na kasha jahkrai ma gaw ntu ai da. Dai Shirap wa kayi da chyalu re nga tu ai mung n nga la hkrai la la hkrai la na nam kata kaw jahkut re nga i, jahkut re nga kanu hpang num kanu kayi makai jaw dat ai jahkut wa re she, hkai da yu yang gaw tu ai mung n nga ai da, shi gaw gade la tim tu ngu n nga re she dai kaw she dai (ashe) kaw she si mat wa ai da. Dai Shirap nga ai kaw i tu mung nhkraw si mat wa ai da, si mat wa jang she hpang e gaw shi na numla wenyi gaw i Dawau U tai mat wa ai da. Dai sha re. . Language as given: Jinghpaw