FUNKSIONAL STILISTIKA: ILMIY, BADIIY, PUBLITSISTIK VA RASMIY USLUBLAR

Ushbu maqolada funksional stilistika va uning oʻzbek tilidagi asosiy ko'rinishlari haqida batafsil fikr yuritiladi. Xususan, ilmiy, badiiy, publitsistik va rasmiy uslublarning oʻziga xos lingvistik xususiyatlari, ularning jamiyatdagi qo'llanilish doirasi hamda bir-biridan farqli va o'xshash jihatlari chuqur yoritiladi. Har bir uslubning til vositalaridan foydalanishi, fikrni ifodalash usuli va nutqdagi funksional vazifasi amaliy misollar orqali tushuntiriladi. Shuningdek, ilmiy uslubda aniqlik va mantiqiylik, badiiy uslubda obrazlilik va estetik ta'sirchanlik, publitsistik uslubda ommaviylik va ta'sir ko'rsatish, rasmiy uslubda esa aniqlik va qoliplangan standart ifodalarning ahamiyatiga alohida e'tibor qaratiladi. Maqoladan ko'zlangan asosiy maqsad funksional uslublarning adabiy tilimizdagi o'rnini ilmiy asoslab berish va ularning oʻziga xos xususiyatlarini to'g'ri anglashga ko'maklashishdan iborat.