RASMIY HUJJATLARDA DAVLAT TILIDAN FOYDALANISHNI ME'YORLASHTIRISH VA TERMINOLOGIK YONDASHUVLAR

Mazkur maqolada rasmiy hujjatlarda davlat tilidan foydalanishni me’yorlashtirish masalalari hamda terminologik yondashuvlar  haqida  yoritilgan. Unda normativ-huquqiy hujjatlar tilini tartibga solish, atamalarni yagona tizim asosida qo‘llash va huquqiy hujjatlar matnining aniqligi hamda tushunarliligini ta’minlash masalalari tahlil qilingan. Shuningdek, O‘zbekiston Respublikasida terminologiya komissiyasi faoliyati, normativ-huquqiy hujjatlarni tayyorlash va rasmiylashtirish bo‘yicha uslubiy talablar haqida ma’lumot berilgan. Maqolada rasmiy uslubga rioya qilish, adabiy til me’yorlarini saqlash va terminlarning bir xilda qo‘llanishi davlat tilining huquqiy sohadagi nufuzini oshirishning muhim omili ekanligi ta’kidlangan.