ПРОКУРАТУРА ОРГАНЛАРИНИНГ КОРРУПЦИЯНИ ОЛДИНИ ОЛИШ ВА УНГА ҚАРШИ КУРАШИШДА ҚОНУН ИЖОДКОРЛИГИ ФАОЛИЯТИ САМАРАДОРЛИГИНИ ТАКОМИЛЛАШТИРИШ

Мақолада прокуратура органларининг коррупцияни олдини олиш ва унга қарши курашишда қонун ижодкорлиги фаолиятидаги иштироки, унинг асосий шакллари ҳамда ҳуқуқий асослари таҳлил қилинган. Прокуратура органларининг қонун лойиҳаларини ишлаб чиқиш, муҳокама қилиш, ҳуқуқий ва коррупцияга қарши экспертизадан ўтказиш, шунингдек, қонунчиликни такомиллаштириш бўйича таклифлар киритишдаги иштироки коррупциявий хавфларни барвақт аниқлаш ва бартараф этишнинг превентив механизми сифатида ёритилган. Тадқиқот натижасида прокуратура органларининг қонун ижодкорлигидаги иштирокини янада такомиллаштириш, коррупцияга қарши экспертиза соҳасидаги ваколатларини ҳуқуқий жиҳатдан аниқлаштириш бўйича таклифлар илгари сурилган.