SUT TISHLARNING O'SISH DAVRIDA REMINERALIZATSIYA VA DEMINERALIZATSIYA JARAYONLARINING FIZIOLOGIYASI
收藏资源简介：
Sut tishlarning qattiq to‘qimalarida kechadigan remineralizatsiya va demineralizatsiya jarayonlari bolalar stomatologiyasining muhim fiziologik asoslaridan biri hisoblanadi. Ushbu maqolada sut tishlar emalining anatomik va gistologik xususiyatlari, mineral almashinuvi mexanizmlari hamda remineralizatsiya va demineralizatsiya jarayonlarining biologik qonuniyatlari ilmiy adabiyotlar asosida tahlil qilindi. Tadqiqot davomida emalning mineral tarkibi, so‘lakning himoya funksiyasi, kaltsiy, fosfat va ftor ionlarining emal homeostazini saqlashdagi roli hamda kariyes rivojlanishining gistofiziologik mexanizmlari o‘rganildi. Tahlil natijalari sut tish emalining doimiy tishlarga nisbatan kamroq mineralizatsiyalanganligi va demineralizatsiyaga ko‘proq moyilligini ko‘rsatdi. So‘lak tarkibidagi mineral komponentlar va ftor ionlari remineralizatsiya jarayonining asosiy fiziologik omillari ekanligi aniqlandi. Remineralizatsiya va demineralizatsiya o‘rtasidagi muvozanatning buzilishi kariyes rivojlanishining asosiy patogenetik mexanizmi sifatida baholandi. Olingan natijalar bolalarda kariyes profilaktikasini takomillashtirish, remineralizatsion terapiya samaradorligini oshirish hamda sut tishlar salomatligini saqlash bo‘yicha ilmiy asoslangan tavsiyalar ishlab chiqishda muhim ahamiyatga ega.
