ABDULLA ORIPOV SHE'RLARIDA MILLIY RUH

Mazkur maqolada Abdulla Oripov she’riyatida milliy ruhning badiiy-estetik ifodasi, uning mazmun-mohiyati va poetik xususiyatlari ilmiy tahlil qilinadi. Tadqiqot jarayonida shoir asarlarida milliy qadriyatlar, tarixiy xotira, vatanparvarlik g‘oyalari hamda xalqona tafakkurning aks etish shakllari o‘rganildi. Shuningdek, she’riy matnlarda qo‘llanilgan obrazlar tizimi, ramzlar, til va uslub vositalari orqali milliylikning namoyon bo‘lishi yoritib berildi. Maqolada qiyosiy-tahliliy, sistemali va badiiy tahlil metodlari asosida Abdulla Oripov ijodining o‘ziga xos jihatlari ochib beriladi. Tadqiqot natijalariga ko‘ra, shoir she’riyati o‘zbek xalqining milliy o‘zligini, ma’naviy merosini va ruhiy dunyosini aks ettiruvchi muhim badiiy hodisa ekanligi asoslandi. Mazkur ilmiy ish o‘zbek adabiyotida milliy ruh masalasini chuqurroq anglashga xizmat qiladi.