MEVA VA SABZAVOT SHARBATLARINING KISLOTALILIGINI IQ SPEKTROSKOPIYA (FTIR) USULIDA ANIQLASH

Ushbu maqolada meva va sabzavot sharbatlarining kislotaliligini Furye-transformatsion infraqizil spektroskopiya (FTIR) usuli yordamida aniqlash imkoniyatlari o'rganildi. Tadqiqot obiektlari sifatida Granny Smith, Red Delicious, Golden Delicious olma navlari va Williams (Bartlett) nok navining yangi siqilgan sharbatlari tanlandi. ATR (Attenuated Total Reflectance) moduli yordamida 400–4000 cm⁻¹ diapazonda spektral o'lchovlar amalga oshirildi. Spektral tahlil natijasida organik kislotalarga xos funksional guruhlar — gidroksil (O–H) va karbonil (C=O) — muvaffaqiyatli aniqlandi. Olingan natijalarga ko'ra, Granny Smith olma navi eng yuqori kislotalilik ko'rsatkichiga ega bo'ldi, Red Delicious va Williams navlari esa yumshoqroq kislotalilik profili namoyon etdi. Tadqiqot natijalari FTIR usulining tezkor, reaktivsiz va ishonchli tahlil imkoniyatini taqdim etishini tasdiqlamoqda.