O'ZBEK VA INGLIZ BADIIY MATNLARIDA AYOLLAR NUTQIDA EMOTSIONALLIK VA AGRESSIYA

Mazkur tezisda o‘zbek va ingliz badiiy matnlarida ayollar nutqida emotsionallik va agressiyaning lingvopragmatik xususiyatlari tadqiq etilgan. Tadqiqot davomida ayollar nutqida qo‘llaniladigan hissiy-ekspressiv birliklar, kinoya, piching, ritorik savollar, undov gaplar va agressiv kommunikativ strategiyalar qiyosiy jihatdan tahlil qilindi. O‘zbek va ingliz adabiyotida ayollar nutqining madaniy hamda gender xususiyatlari yoritildi. Shuningdek, emotsionallik va agressiyaning badiiy diskursdagi pragmatik funksiyalari ochib berildi. Tadqiqot natijalari gender lingvistikasi, pragmalingvistika va diskurs tahlili uchun muhim ilmiy ahamiyatga ega.