"NUTQ", "MULOQOT", "DISKURS", "KONTEKST" VA "KOMMUNIKATIV STRATEGIYA" TUSHUNCHALARI VA ULARNING O'ZARO BOG'LIQLIGI

Zamonaviy tilshunoslikda nutq tushunchasi til tizimining real kommunikativ jarayonda amalga oshirilishi sifatida talqin qilinadi. Nutq til birliklarining individual ong orqali tanlanishi va muayyan vaziyatda qo‘llanilishi natijasida yuzaga keladigan dinamik hodisadir. Shu jihatdan nutq tilga nisbatan harakatchan, vaziyatga bog‘liq va shaxsiy xarakterga ega bo‘ladi. Til esa ijtimoiy tabiatli, nisbatan barqaror va umumiy belgilar tizimi sifatida namoyon bo‘ladi. Til va nutqni farqlash masalasi jahon tilshunosligida muhim nazariy muammo sifatida qaralib kelgan. Til ijtimoiy belgilardan tashkil topgan tizim, nutq esa ushbu tizimning individual qo‘llanilishi sifatida izohlanadi. Nutq individual va psixik hodisa, til esa sotsial va nisbatan statik tizim sifatida talqin qiladi. Demak, nutq muloqot jarayonida shaxsning faol ishtirokini aks ettiruvchi asosiy birlik hisoblanadi.