CHAQALOQLARDA GIPOKSIK-ISHEMIK ENSEFALOPATIYA: XALQARO TADQIQOTLAR TAHLILI ASOSIDA

Mazkur ilmiy maqolada yangi tug‘ilgan chaqaloqlarda uchraydigan gipoksik-ishemik ensefalopatiya muammosi xalqaro ilmiy tadqiqotlar asosida kompleks va tizimli tarzda tahlil qilindi. Tadqiqot davomida xorijiy adabiyotlarda keltirilgan ma’lumotlar asosida kasallikning etiologik omillari, patogenez mexanizmlari, klinik kechishi, zamonaviy diagnostika usullari hamda davolash strategiyalarining samaradorligi o‘rganildi. Terapevtik gipotermiya va qo‘shimcha neyroprotektiv yondashuvlarning klinik ahamiyati baholandi. Olingan natijalar perinatal yordam sifatini oshirish va chaqaloqlarda uzoq muddatli nevrologik asoratlarni kamaytirishga xizmat qiladi.