YARALI KOLITNI TASHXISLASH VA DAVOLASHNING ZAMONAVIY JIHATLARI

Dolzarbligi. Yarali kolit (YK) yo‘g‘on ichak shilliq qavatining immun-yallig‘lanishli zararlanishi bilan kechuvchi surunkali kasallik bo‘lib, uning klinik kechishi va og‘irlik darajasi bemorlarda sezilarli farq qiladi. Kasallikni erta tashxislash, yallig‘lanish faolligini to‘g‘ri baholash va individual davolash taktikasini tanlash asoratlarning oldini olishda muhim ahamiyatga ega. Zamonaviy biologik terapiya davolash natijalarini yaxshilagan bo‘lsada, remissiyani uzoq muddat saqlash va davolashga rezistent holatlar muammosi dolzarbligicha qolmoqda.