Zonas da construcziun e stadi da la surbajegiada

Questa unitad da datas mussa las surfatschas da las zonas da construcziun en vigur tenor l'utilisaziun principala en lur stadi da la surbajegiada.
Basas da datas: Questa statistica sa basa sin las zonas da construcziun en vigur da la planisaziun d'utilisaziun communala e sin il stadi da la surbajegiada tenor la survista dal stadi da la surbajegiada, da l'avertura e da la madiranza da construcziun (SAM). Questas basas da datas èn chaussa da la vischnanca sco purtadra da la planisaziun (art. 3 LPTGR). Las indicaziuns da la surfatscha en m² pon preschentar pervia d'operaziuns geometricas e da la summaziun differenzas d'arrundaziun.
Actualitad: La precisiun da questa statistica dependa da l'actualitad da las basas da datas e da las reglas d'actualisaziun correspundentas. Per zonas da construcziun resp. per utilisaziuns principalas vala da princip in termin d'actualisaziun da 30 dis suenter l'entrada en vigur da la determinaziun da zonas en la planisaziun d'utilisaziun (art. 20 OCGeo). Il stadi da la surbajegiada è suttamess a las reglas d'actualisaziun da la survista SAM. Quels pon variar sin basa da differents aspects, uschia che las datas pon esser plirs onns veglias (ulteriuras infurmaziuns en chaussa guardar chapitel 3 da la documentaziun da las datas Survista SAM e reservas d'utilisaziun).
Ulteriuras funtaunas d'infurmaziun:

Zonas da construcziun dal Grischun (BZ_GR): Descripziun detagliada e charta interactiva (actuala mintga di)
Planisaziun d'utilisaziun communala (PU): Descripziun detagliada e charta interactiva (actuala mintga di)
Survista dal stadi da la surbajegiada: Descripziun detagliada e charta interactiva (actual mintga di)Documentaziun dals champs da datas e logica d'agregaziun da l'unitad da datas «Zonas da construcziun e stadi da la surbajegiada»