OZIQ-OVQAT MAHSULOTLARINING YAROQLILIK MUDDATLARI VA SERTIFIKATSIYASI

Ushbu maqolada oziq-ovqat mahsulotlarining xavfsizligi va sifatini ta'minlashda yaroqlilik muddati, saqlash sharoitlari hamda sertifikatsiyaning ahamiyati yoritilgan. Muallif yaroqlilik muddati tushunchasini ilmiy asosda ochib berib, unga ta'sir etuvchi omillarni — mahsulotning kimyoviy tarkibi, saqlash harorati, havo namligi, pH ko'rsatkichi, suv faolligi va mikrobiologik holatini tahlil qiladi. Maqolada mikroorganizmlarning mahsulot buzilishidagi roli, ComBase kabi zamonaviy prognoz modellaridan foydalanish imkoniyatlari, tez buziluvchi mahsulotlarni saqlashda sanitariya-gigiyena talablariga rioya qilish zarurati muhokama qilinadi. Shuningdek, mahsulotlarni sertifikatsiyalashning iste'molchi salomatligi va manfaatlarini himoya qilishdagi vazifasi ko'rsatiladi. Muallif xulosa sifatida yaroqlilik muddatini ilmiy belgilash, mikrobiologik va fizik-kimyoviy ko'rsatkichlarni nazorat qilish hamda sertifikatsiyadan o'tkazish oziq-ovqat xavfsizligini ta'minlashning asosiy shartlari ekanini ta'kidlaydi.