BANK HISOBI TO'G'RISIDA TUSHUNCHA, UNING IQTISODIYOTNI BOSHQARISHDA TUTGAN O'RNI VA AHAMIYATI

Bank hisobi tizimi zamonaviy iqtisodiyotni boshqarishda moliyaviy resurslarning samarali harakatini ta’minlovchi asosiy axborot manbai sifatida muhim ilmiy-amaliy muammo hisoblanadi. Tadqiqotda bank hisobining mohiyatini ochib berish va uning iqtisodiy jarayonlardagi o‘rnini aniqlash maqsadida tizimli tahlil hamda qiyosiy yondashuv metodlaridan foydalanildi. Olingan natijalar bank hisobi iqtisodiy subyektlar faoliyatini to‘g‘ri aks ettirish va moliyaviy qarorlar qabul qilishda ishonchli asos bo‘lib xizmat qilishini ko‘rsatdi. Shuningdek, bank hisobi ma’lumotlari davlatning pul-kredit siyosatini amalga oshirish va iqtisodiy barqarorlikni ta’minlash jarayonida muhim boshqaruv vositasi ekanligi aniqlandi. Tadqiqot yakunlari bank hisobining iqtisodiy tizimdagi integratsion rolini kuchaytirish va boshqaruv samaradorligini oshirishda uning ilmiy-amaliy ahamiyatini tasdiqlaydi.