JASALMA INTELLEKT TIYKARıNDA STUDENTLERDIŃ BILIMIN TEKSERETUǴıN "KMI AI TEST SYSTEM" PLATFORMASıN ISLEP SHıǴıW

Maqalada Qaraqalpaqstan Medicina Institutınıń (Karakalpakstan Medical Institute - KMI) sanlı bilimlendiriw ekosisteması ushın islep shıǵılǵan KMI AI TEST SYSTEM - jasalma intellektke tiykarlanǵan veb-platformanıń arxitekturası, texnikalıq sheshimleri hám dáslepki nátiyjeleri jarıtılǵan. Sistema Laravel 11 freymvorki hám MySQL maǵlıwmatlar bazası tiykarında qurılǵan bolıp, úsh ózine tán texnikalıq máseleni sheshedi: 1. DOCX hújjetlerindegi Office Math formulaların Pandoc hám MathML járdeminde veb-brauzerge joǵaltıwlarsız ótkeriw. 2. Tek tańlawlı emes, al ‘izbe-izlikti anıqlaw’, ‘sáykeslestiriw’ hám súwretke tiykarlanǵan keńeytilgen soraw túrleriniń relyatsion modeli. 3. DeepSeek hám Gemini LLM modelleri arqalı student juwapların diagnostikalıq talqılap, individuallastırılǵan ‘Kognitiv keri baylanıs’ hám kontekstli AI-chatbot baylanısın usınıw. Sınaw ámeliyatı sonı kórsetti, formulalı sorawlardı qolda kodlaw menen salıstırǵanda júklew tezligi sezilerli dárejede arttı, AI-analiz bolsa studenttiń ázzi temaların anıqlawda joqarı anıqlıqtı kórsetti. Alınǵan nátiyjeler medicinalıq bilimlendiriwde sanlı bahalaw sistemalarınıń nátiyjeliligin arttırıw imkaniyatların keńeytedi.