QISHLOQ XO'JALIGI YERLARINING TRANSFORMATSIYASI: AN'ANAVIY RESURSDAN KO'P FUNKSIYALI AKTIVGA O'TISH

Mazkur maqolada qishloq xo‘jaligi yerlarining zamonaviy sharoitdagi transformatsiya jarayonlari tahlil qilinadi. Tadqiqot natijalari shuni ko‘rsatadiki, global miqyosda yer resurslari an’anaviy ishlab chiqarish vositasidan ko‘p funksiyali iqtisodiy aktivga aylanib bormoqda. Xususan, yerlarning ekologik (karbon sekvestratsiya), iqtisodiy (yangi daromad manbalari) va texnologik (raqamlashtirish, sun’iy intellekt) funksiyalari kengaymoqda. Maqolada yer degradatsiyasi, iqlim o‘zgarishi va resurslar cheklanganligi sharoitida ushbu transformatsiyaning asosiy omillari aniqlanadi. Shuningdek, O‘zbekiston misolida yer resurslarini boshqarish tizimidagi islohotlar va ularning iqtisodiy ahamiyati baholanadi. Tadqiqot yakunida yer resurslaridan samarali foydalanish, ularni raqamlashtirish, regenerativ qishloq xo‘jaligini rivojlantirish hamda yangi iqtisodiy mexanizmlarni joriy etish bo‘yicha amaliy takliflar ishlab chiqiladi.