KK1-2242 - U tu amu lu ndum (The blue-throated barbet who would not work)

Transcription (La Ring) Gabaw gaw u tu a mu lu ndum nga re. Moi shawng de u amyu ni law law nga ai hta na u nkau mi gaw hpun hkan dung yup nam sumup hkan yup rai na nga ai da. Raitim mung u tu rai jang gaw nbung laru mung nhkrit ra marang mung nhkrit ra nta kaga ngalaw ra na hku shi gaw hkun dawt sha yu ga num dawn ai sha yu rai na dai kaw e hku waw la nna dai kaw rawng rawng re ai da. Dai majaw shi gaw masha ni kaning rai ai hkrum sha ai mung nmu nbung laru ru nna jam jau ai mung nmu kadai gara de sa ai mung nmu hku kata kaw sha rawng nga na shi e myit sha rai nga nga ai majaw "Le.. hkun dawt hkan e hku hku ai gaw dai u tu hku re hka". "Hkauna pa hkan mung dai nakawng hkan e nahkawng hkan e hku hku na dai de chye tam sha ai ni gaw.. nang e dai dai .. aloi sha re kaw.. rai shawn bang dat nna dai shadawn htum ai kaw "Pawk" di nna u tu mai rim sha ai le. E dan rai hpa mung nkatut sha sha rai nna shing rai nga lai ai da. Dai re majaw gaw shinggyim masha ni e mung manang ni e manang ni hpa galaw ra ai kadai hpe hpa karum kahtau rai ra ai mung nyu ai tinang ra ai hku sha nguk nguk rai na nga ai masha ni hpe e gaw "U tu a mu lu ndum re ai" nga na moi na ni bai pra ai ni hpe dai hku tsun ai re da. Htum sai maumwi gaw. . Language as given: Jinghpaw