BOSHLANG'ICH SINF O'QUVCHILARIDA MA'NAVIY-AXLOQIY TARBIYA BERISHDA XALQ OG'ZAKI IJODINING O'RNI

Mazkur maqolada boshlang‘ich sinf o‘quvchilarida ma’naviy-axloqiy sifatlarni shakllantirish jarayonida xalq og‘zaki ijodining pedagogik o‘rni va ahamiyati ilmiy jihatdan tahlil qilinadi. Tadqiqotda ertaklar, maqollar, matallar, topishmoqlar va tez aytishlarning tarbiyaviy imkoniyatlari, ularning bolalar tafakkuri, nutq rivoji hamda axloqiy ongiga ta’siri keng yoritilgan. Shuningdek, xalq og‘zaki ijodi materiallarini ta’lim jarayoniga samarali integratsiya qilish usullari va interfaol metodlar bilan uyg‘unlashtirish yo‘llari asoslab beriladi. Maqola boshlang‘ich ta’limda milliy va umuminsoniy qadriyatlarni shakllantirishda folklorning muhim tarbiyaviy manba ekanligini ko‘rsatadi.