MARKAZIY OSIYODA MINTAQAVIY XAVFSIZLIKNI TA'MINLASHDA POKISTON ISLOM RESPUBLIKASINING ISHTIROKI

Ushbu maqolada Pokiston Islom Respublikasining Markaziy Osiyo mintaqasidagi xavfsizlik arxitekturasini shakllantirishdagi strategik roli tahlil qilinadi. Tadqiqotda Pokistonning Afg‘oniston omili orqali mintaqaviy barqarorlikka ta’siri, terrorizm va ekstremizmga qarshi kurashdagi amaliy hamkorligi hamda trans-mintaqaviy transport-logistika loyihalarining (CPEC, TAPI) xavfsizlik jihatlari yoritilgan. Shuningdek, maqolada Durand chizig‘i bo‘ylab chegara nazoratini kuchaytirish mexanizmlari va bu jarayonlarning Markaziy Osiyo davlatlari milliy xavfsizligiga bilvosita ta’siri ilmiy jihatdan asoslab berilgan. Tadqiqot natijalari Pokistonning mintaqadagi ishtiroki ham ijobiy (iqtisodiy integratsiya), ham murakkab (geosiyosiy cheklovlar) xarakterga ega ekanligini ko‘rsatadi.