O'ZBEKISTONDA TABIIY RESURSLARDAN OQILONA FOYDALANISHNING HUQUQIY ASOSLARI VA DOLZARB MUAMMOLARI

Hozirgi davrda iqlim o‘zgarishi, global isish, yerlarning degradatsiyasi, biologik xilma-xillikning kamayishi hamda tabiiy resurslarning cheklanganligi dunyo hamjamiyati oldidagi eng dolzarb ekologik muammolar qatoridan o‘rin olmoqda. Mazkur jarayonlar ekologik muvozanatni saqlash va tabiiy resurslardan oqilona foydalanishni nafaqat davlat siyosatining ustuvor yo‘nalishi, balki jamiyatning barqaror rivojlanishini ta'minlovchi muhim omil sifatida qarash zaruratini yuzaga keltirmoqda.