RAQAMLI TA'LIM TRANSFORMATSIYASIDA XOTIN-QIZLARNING O'RNI: SUN'IY INTELLEKT IMKONIYAT VA MUAMMO SIFATIDA

Mazkur maqolada zamonaviy ta’lim tizimini raqamli transformatsiya qilish sharoitida xotin-qizlarning sun’iy intellekt texnologiyalari bilan o‘zaro aloqadorligi va ushbu jarayonning ijtimoiy-pedagogik jihatlari tadqiq etiladi. Tadqiqotning dolzarbligi ta’limda gender tengligini ta’minlash va xotin-qizlarning yuqori texnologik muhitga moslashuvini tahlil qilish zarurati bilan belgilanadi. Maqolada sun’iy intellekt texnologiyalari xotin-qizlar uchun yaratayotgan yangi imkoniyatlar, jumladan, masofaviy va uzluksiz ta’limning qulaylashishi, intellektual shaxsiy assistentlar yordamida o‘quv va ma’muriy ish yukini kamaytirish hamda o‘qitish jarayonini individuallashtirish masalalari batafsil yoritilgan.Shu bilan birga, maqolada raqamli muhitda yuzaga kelishi mumkin bo‘lgan to‘siqlar – algoritmik gender stereotiplari, axborot texnologiyalaridan foydalanishdagi raqamli tafovut va sun’iy intellektning axloqiy muammolari tahlil qilinadi.