OTA-ONALARNING HADDAN TASHQARI NAZORATI VA O'SMIRLARDA MUSTAQIL QAROR QABUL QILISH KO'NIKMALARINING SHAKLLANISHI

Mazkur maqolada ota-onalarning haddan tashqari nazorati va uning o‘smirlarda mustaqil qaror qabul qilish ko‘nikmalarining shakllanishiga ta’siri psixologik-pedagogik jihatdan tahlil qilingan. O‘smirlik davri shaxs rivojlanishining muhim bosqichi bo‘lib, ushbu davrda mustaqil fikrlash, mas’uliyatni his qilish va qaror qabul qilish ko‘nikmalari shakllanadi. Tadqiqot davomida haddan tashqari nazoratning o‘smirlarning emotsional holati, ijtimoiy moslashuvi va mustaqil hayotga tayyorgarligiga salbiy ta’siri o‘rganildi. Shuningdek, ota-onalar va farzandlar o‘rtasidagi sog‘lom kommunikatsiya, ishonch va demokratik tarbiya usullarining ahamiyati yoritildi. Tadqiqot natijalari ota-onalarning me’yoriy nazorati hamda qo‘llab-quvvatlovchi munosabati o‘smirlarning mustaqil qaror qabul qilish kompetensiyasini rivojlantirishda muhim omil ekanligini ko‘rsatdi.