YOSHLAR TARBIYASIDA OMMAVIY MADANIYAT TAHDIDLARINI BARTARAF ETISHNING ZAMONAVIY USULLARI: MUAMMO VA YECHIMLAR

Mazkur maqolada globallashuv va raqamli texnologiyalar jadal rivojlanayotgan sharoitda ommaviy madaniyatning yoshlar tarbiyasiga ta’siri, uning salbiy jihatlari hamda ushbu tahdidlarni bartaraf etishning zamonaviy usullari tahlil qilinadi. Bugungi kunda internet, ijtimoiy tarmoqlar, videoplatformalar va raqamli media yoshlarning dunyoqarashi, xulq-atvori va qadriyatlar tizimini shakllantirishda muhim omilga aylanmoqda. Maqolada ommaviy madaniyatning yoshlar ongiga ta’sir etuvchi asosiy omillari tizimlashtirilib, ularning oldini olishda media savodxonlik, tanqidiy fikrlash, oilaviy tarbiya, ta’lim muassasalari faoliyati va milliy qadriyatlarni zamonaviy kommunikatsiya vositalari orqali targ‘ib qilishning ahamiyati ochib beriladi. Shuningdek, yoshlar tarbiyasida ommaviy madaniyat tahdidlariga qarshi kurashishning kompleks modeli taklif etiladi.