EDGAR ALLAN PO HIKOYALARIDA QO'RQUV POETIKASI: LINGVOPRAGMATIK TAHLIL

Ushbu maqolada Edgar Allan Po hikoyalarida qo'rquv poetikasini shakllantiruvchi lingvopragmatik mexanizmlar tahlil qilinadi. Tadqiqotning predmeti – muallifning "The Tell-Tale Heart" (1843), "The Black Cat" (1843) va "The Fall of the House of Usher" (1839) hikoyalarida qo'llanilgan nutq aktlari, implikaturalar va presuppozitsiyalardir. Maqolaning maqsadi – til birliklarining pragmatik yuklamasini aniqlash va ularning o'quvchiga psixologik ta'sir mexanizmini ochib berishdir. Tadqiqotda lingvopragmatik tahlil, diskurs-tahlil va interpretativ usullar qo'llanilgan. Natijada, Po hikoyalarida direktiv va ekspressiv nutq aktlari ustunlik qilishi, implikaturalar orqali qo'rquvning bilvosita ifodalanishi, presuppozitsiyalar esa o'quvchining oldingi bilimlariga tayanib dahshat effektini kuchaytirishi aniqlandi. Maqola lingvistika va adabiyotshunoslik kesishmasida olib borilgan tadqiqotlar uchun metodologik asos bo'la oladi.