MATYOQUB QO'SHJONOV IJODIDA MAHORAT MASALASI ("ABDULLA QAHHOR MAHORATI" KITOBI ASOSIDA)

Mazkur maqolada o‘zbek adabiyotshunosligi taraqqiyotida muhim o‘rin egallagan olim Matyoqub Qo‘shjonov ijodida badiiy mahorat masalasi tahlil qilinadi. Adabiyotshunosning badiiy asarni tahlil qilishdagi uslubi, obraz yaratish mahorati, detal, konflikt, psixologizm va syujet qurilishi haqidagi qarashlari ilmiy jihatdan yoritiladi. Xususan, Matyoqub Qo‘shjonovning Abdulla Qahhor ijodiga bag‘ishlangan tadqiqotlari asosida yozuvchilik mahorati masalasi ochib beriladi. Tahlil davomida badiiy asarda mazmun va shakl uyg‘unligi, detalning estetik funksiyasi, syujetning kompozitsion xususiyatlari hamda yozuvchi individual uslubining shakllanishi masalalari ko‘rib chiqiladi.