MAHALLA IQTISODIYOTINI RIVOJLANTIRISHDA TADBIRKORLIK ZAMONAVIY RAQAMLI MONITORINGNING AHAMIYATI

Bugungi O‘zbekistonda mahalla faqat yashash joyi yoki ijtimoiy muammolar muhokama qilinadigan hudud emas. Mahalla endi iqtisodiy faollik boshlanadigan, oilaviy daromad shakllanadigan, kichik biznes ilk qadamini tashlaydigan va hunarmandchilik yangi bozor sari yo‘l oladigan muhim mikroiqtisodiy maydonga aylanmoqda. Har bir mahallada o‘ziga xos imkoniyat bor: qayerdadir tikuvchilik rivojlangan, qayerdadir hunarmandchilik avloddan-avlodga o‘tib keladi, boshqa bir hududda xizmat ko‘rsatish, savdo, chorvachilik, oziq-ovqat mahsulotlarini qayta ishlash yoki raqamli xizmatlar uchun qulay sharoit mavjud. Muhimi, ana shu imkoniyatni ko‘ra bilish, uni to‘g‘ri baholash va iqtisodiy natijaga aylantirishdir.