MAJBURIY VA IXTIYORIY SUG'URTA TURLARINING IQTISODIY SAMARADORLIGI

Mazkur ilmiy maqolada majburiy va ixtiyoriy sug‘urta turlarining iqtisodiy samaradorligi nazariy va amaliy jihatdan tahlil qilinadi. Tadqiqotda sug‘urtaning risklarni taqsimlashdagi roli, moliyaviy barqarorlikni ta’minlash mexanizmlari hamda sug‘urta mukofotlari va to‘lovlari nisbatining iqtisodiy samaradorlikka ta’siri o‘rganildi. Majburiy sug‘urta ijtimoiy himoya va makroiqtisodiy barqarorlikni ta’minlash vositasi sifatida, ixtiyoriy sug‘urta esa bozor mexanizmlariga asoslangan holda qo‘shimcha moliyaviy xavfsizlik instrumenti sifatida baholandi. Tadqiqot natijalariga ko‘ra, ushbu ikki tur o‘zaro uyg‘unlikda milliy iqtisodiyotda risklarni kamaytirish, investitsion resurslarni shakllantirish va ijtimoiy barqarorlikni ta’minlashga xizmat qiladi.