KK2-0045 - Masha jan shut yang daw ra ai hpuja mying (Set of items of wealth paid for a bride) with transcription

Transcription (by Lu Awng) Moi prat hta anhte jinghpaw amyu sha ni manang wa a jan sinwa masha jan shut yang daw ra ai hpuja ni hpa baw baw re hpe tsun dan na hku re. Nambat 1, hka n di 2, hka nga, 3 hka hkra, 4 hka n htu. Ndi mung di dam kaba hkra mung hkra nawng kaba, nhtu mung n htu maka, nga mung nga kaba, dai 4 dai gaw mung jahta ai shani sihtu galaw sha na matu re, hka nga ngu, dai hte shawng shaw nna she masha jan shaw ai hka hpu ja ni hpe dai daw ai re. Nambat 1, u lawng hpaw ai ngu wang chyinghka hpaw ai hpe tsun ai re, u lawng hpaw ai ngu, dai kaw sanat, moi na sanat langai. Dai kaw na lakang lung ngu ai n ba lahkyik langai. Re na nta jut 4 kashin ai ngu hpaga 4, dai kaw na moi na ga e gaw lahkan punghkang shara kabye ya ai ngu, manang wa a gawk shang ya ai ngu shawa nang kachyi tawng 100. Re nna sin marawng raw ya ai ngu ai nga kabu 1. Num shut numshaw ja ngu ai moi prat e ja hkan mi re. Re nna manang n chye manang n galaw ai galaw ai ngu na ramma ni hpe galaw ai nga ula kaba rai, mare kashin ai ngu ai yanghpau lawng langai. Dai hte re moi prat e numshaw yang e daw ra ai wa ra ai lam ni hpuja ni gaw dai hte re. . Language as given: Jinghpaw