MARKAZIY OSIYONING TARIXIY-ILMIY MEROSINI RAQAMLASHTIRISH VA TURIZM ORQALI OMMALASHTIRISH IMKONIYATLARI

Mazkur maqolada Markaziy Osiyoning o‘rta asrlar va yangi davrga oid tarixiy-ilmiy merosini raqamli texnologiyalar yordamida saqlash, o‘rganish va turizm orqali ommalashtirish imkoniyatlari tahlil qilinadi. Mintaqaning tarixiy bilim markazlari, qo‘lyozma merosi hamda Buyuk ipak yo‘li doirasida shakllangan ilmiy va madaniy aloqalarini zamonaviy raqamli vositalar orqali keng jamoatchilikka yetkazish masalalariga e’tibor qaratiladi. UNESCOning raqamli merosni saqlash tamoyillari va Buyuk ipak yo‘li merosini raqamli taqdim etish bo‘yicha loyihalari asosida tarixiy-ilmiy merosni turistik talqin qilishning amaliy yo‘nalishlari ishlab chiqiladi. Muallif tomonidan raqamli kataloglar, virtual ekskursiyalar, ko‘p tilli audio-gidlar va QR-kodli axborot tizimlarini o‘zaro bog‘lovchi konseptual model taklif etiladi.