PEGANUM HARMALA O'SIMLIGI TARKIBIDAGI ALKALOIDLARNI AJRATISH USULLARI

Ushbu maqolada Peganum harmala (isiriq) o‘simligi tarkibidagi garmin, peganin, garmalin va boshqa alkaloidlarni ekstraksiya (suvli, spirtli) hamda xromatografik (kolonna, yupqa qatlamli) usullar yordamida ajratib olish yo‘llari yoritilgan. Navoiy viloyati Konimex tumani Zafarobod shaharchasi hududida o‘sadigan o‘simlikning bargi, poyasi va urug‘idan metanol va aseton yordamida olingan ekstraktlar spektral tahlil qilindi. Peganin alkaloidining biologik faolligi molekulyar doking usulida 6S5A oqsili bilan o‘zaro ta’siri asosida nazariy jihatdan baholanib, bog‘lanish energiyasi -7,5878 kkal/mol ekanligi aniqlandi. Natijalar peganinning CAR-J hujayralariga qarshi qo‘llanilishi mumkinligini ko‘rsatadi.