GIS TEXNOLOGIYALARI ASOSIDA FARG'ONA VILOYATIDA SIZOT SUVLARI SATHINING MAVSUMIY FAZOVIY TAQSIMLANISHINI BAHOLASH

Mazkur tezisda Farg‘ona viloyatida 2024-yil dekabridan 2025-yil noyabrigacha kuzatilgan sizot suvlari sathining mavsumiy fazoviy taqsimlanishi GIS texnologiyalari yordamida baholandi. 2418 ta kuzatuv qudug‘ining dekadalik o‘lchovlari sifat nazoratidan o‘tkazilib, qish, bahor, yoz va kuz fasllari uchun o‘rtacha yer osti suvi chuqurligi hisoblandi. Nuqtaviy kuzatuvlardan uzluksiz fazoviy sirt hosil qilishda teskari masofa bo‘yicha og‘irliklangan interpolatsiya (IDW) qo‘llanildi. Natijalar bahor davrida sayoz sizot suvlari ulushi eng yuqori, yoz va kuzda esa sizot suvlari nisbatan chuqurlashishini ko‘rsatdi.