KOMMUNIKATIV KOMPETENTLIKNI RIVOJLANTIRISHGA QARATILGAN METODIK MODEL VA UNING FUNKSIONAL XARAKTERISTIKASI

Mazkur tezisda kommunikativ kompetentlikni rivojlantirishga yo‘naltirilgan metodik modelning nazariy-metodologik asoslari hamda uning funksional xarakteristikalari tahlil qilinadi. Zamonaviy kompetensiyaviy yondashuv sharoitida kommunikativ kompetentlik shaxsning kasbiy va ijtimoiy faoliyatini belgilovchi muhim integral sifat sifatida namoyon bo‘lmoqda. Tadqiqotda kommunikativ kompetentlikning strukturaviy komponentlari, uni shakllantirish bosqichlari, pedagogik shart-sharoitlari hamda metodik modelning didaktik imkoniyatlari yoritilgan. Shuningdek, interaktiv metodlar, refleksiv faoliyat va kommunikativ vaziyatlar asosida talabalarning nutqiy faolligini rivojlantirish mexanizmlari ochib berilgan.