MARKAZIY OSIYO SIVILIZATSIYASI: SHAKLLANISHI, TARAQQIYOTI VA JAHON TAMADDUNIDAGI O'RNI

Mazkur maqolada Markaziy Osiyo hududida qadimgi davrlardan boshlab shakllangan sivilizatsiyalarning tarixiy taraqqiyoti, ularning siyosiy, iqtisodiy, madaniy va ilmiy rivojlanish jarayonlari tahlil qilinadi. Markaziy Osiyoning geografik jihatdan Sharq va G‘arb, Shimol va Janub o‘rtasida joylashgani hududda turli madaniyatlarning o‘zaro aloqasi va sintezini ta’minlagan. Baqtriya, So‘g‘diyona, Xorazm, Farg‘ona va Kushonlar davlati kabi tarixiy-madaniy markazlarning rivojlanishi mintaqa sivilizatsiyasining o‘ziga xos xususiyatlarini belgilagan. Shuningdek, Buyuk Ipak yo‘lining Markaziy Osiyo shaharlarining iqtisodiy va madaniy taraqqiyotidagi roli, ilm-fan va texnologiyalarning tarqalishi hamda turli din va madaniyatlarning o‘zaro ta’siri yoritiladi. UNESCO materiallarida ham Markaziy Osiyo sivilizatsiyalari ko‘chmanchi va o‘troq jamiyatlar, savdo, din, ilm-fan va texnologiyalar kesishgan tarixiy makon sifatida baholanadi.