MARKAZIY BANK PUL-KREDIT SIYOSATINING MILLIY IQTISODIYOT BARQARORLIGIGA TA'SIRI

Mazkur tadqiqot Markaziy bankning pul-kredit siyosati va uning milliy iqtisodiyot barqarorligiga ta’sirini tahlil qilishga qaratilgan. Tadqiqotda inflyatsiya darajasi, foiz stavkalari, pul massasi va valyuta kursi kabi asosiy makroiqtisodiy ko‘rsatkichlar orqali pul-kredit siyosatining iqtisodiy barqarorlikka ta’siri kompleks baholandi. Metodologik jihatdan tizimli, makroiqtisodiy va iqtisodiy-statistik yondashuvlardan foydalanildi. Natijalar shuni ko‘rsatadiki, Markaziy bankning qat’iy va muvozanatli pul-kredit siyosati inflyatsiyani nazorat qilish, moliyaviy barqarorlikni ta’minlash va iqtisodiy o‘sishni rag‘batlantirishda muhim rol o‘ynaydi. Tadqiqot natijalari pul-kredit siyosatining samarali yuritilishi iqtisodiy inqirozlarning oldini olish va barqaror rivojlanishni ta’minlashda strategik ahamiyatga ega ekanligini asoslaydi.