DASTURLASH TILLARINI O'QITISHDA OB'EKTGA YO'NALTIRILGAN DASTURLASHNING O'RNI

Ushbu tadqiqot oliy ta'lim muassasalarida dasturlash fanlarini o‘qitishda ob'ektga yo‘naltirilgan dasturlash (OOP) paradigmasining o‘rni va samaradorligini ilmiy jihatdan tahlil qiladi. Tadqiqot 180 nafar talaba ishtirokida o‘tkazilgan eksperiment, so‘rovnoma va pedagogik kuzatuv metodlari asosida amalga oshirildi. Olingan natijalar shuni ko‘rsatadiki, OOP tushunchalarini erta va tizimli o‘qitish talabalarning abstrakt fikrlash qobiliyatini, kodni qayta ishlatish (code reuse) ko‘nikmalarini va dasturiy ta'minot muhandisligi sohasidagi umumiy tayyorgarligini statistik jihatdan sezilarli darajada oshiradi. Tadqiqot shuningdek OOP ni o‘qitishning optimal ketma-ketligi va metodologik yondashuvlarini ham taklif etadi.