6–7-SINF INFORMATIKA DARSLARIDA SUN'IY INTELLEKT TEXNOLOGIYALARIDAN FOYDALANISHNING PEDAGOGIK IMKONIYATLARI

Mazkur maqolada umumiy o‘rta ta'lim maktablarining 6–7-sinf o‘quvchilariga informatika fanini o‘qitish jarayonida sun'iy intellekt (SI) texnologiyalaridan foydalanishning pedagogik-metodik imkoniyatlari atroflicha yoritib berilgan. Tadqiqotda o‘quvchilarning yosh va psixologik xususiyatlariga mos ravishda soddalashtirilgan sun'iy intellekt yordamchilarini o‘quv jarayoniga integratsiya qilish ularning mantiqiy, algoritmik tafakkurini rivojlantirish hamda mavhum tushunchalarni ongli ravishda o‘zlashtirishdagi o‘rni ochib berilgan. Shuningdek, vizual dasturlash muhitlarida aqlli tizimlar yordamida xatolarni tezkor aniqlash, o‘quvchilarning mustaqil ishlash ko‘nikmalarini shakllantirish hamda shaxsiylashtirilgan (adaptive learning) ta'lim muhitini yaratish mexanizmlari tahlil qilingan. Ishning natijalari tajriba-sinov darslari va statistik tahlillar asosida asoslab berilgan.