TA'LIM TIZIMIDA RAQAMLI TENGSIZLIK MUAMMOLARI VA ULARNI BARTARAF ETISH YO'LLARI

Mazkur maqolada ta’lim tizimida raqamli tengsizlik muammolari, ularning kelib chiqish omillari hamda ta’lim sifati va imkoniyatlariga ko‘rsatadigan ta’siri tahlil qilinadi. Zamonaviy axborot-kommunikatsiya texnologiyalarining jadal rivojlanishi natijasida ta’lim jarayonining raqamlashtirilishi kuchayib borayotgan bo‘lsa-da, internet infratuzilmasining yetarli emasligi, texnik vositalar taqchilligi, raqamli savodxonlik darajasining pastligi va hududlar o‘rtasidagi ijtimoiy-iqtisodiy tafovutlar sababli barcha qatlam vakillari uchun teng imkoniyatlar yaratilmayapti. Tadqiqot davomida O‘zbekiston ta’lim tizimidagi mavjud raqamli tafovut holati o‘rganilib, shahar va qishloq hududlari misolida internetdan foydalanish, elektron ta’lim platformalariga kirish imkoniyati hamda o‘quvchilarning raqamli kompetensiyalari tahlil qilindi. Shuningdek, xorijiy tajribalar asosida raqamli tengsizlikni kamaytirishga xizmat qiluvchi samarali mexanizmlar, jumladan, infratuzilmani rivojlantirish, raqamli ko‘nikmalarni oshirish, davlat va xususiy sektor hamkorligini kengaytirish hamda arzon texnologik vositalarni taqdim etish bo‘yicha takliflar ishlab chiqildi. Tadqiqot natijalari ta’limda inklyuziv raqamli muhitni shakllantirish va barcha o‘quvchilar uchun teng ta’lim imkoniyatlarini yaratishda muhim ilmiy-amaliy ahamiyat kasb etadi.