KK2-0160 - Jinghpaw shat mai ntsin (Jinghpaw soup)

Transcription (La Ring) Jinghpaw shat mai ntsin shadu sha yang e shat mai ntsin di kaw jum majap bang, nai tawng hpe mung sep la nna bang na shaprut da na. E dai kaw lama nhkrun shapre zawn re nga yang mung dai hpe loi mi bang rai yang grau mu ai. Rai na yi kaw na yi naw kyu si ni, yi na shaba si ni, chying lap ni dai ni hpe jahkum bang na shaprut tawn na she e grau nna mu na hku nga yang gaw nga jahkraw zawn re hpe mung kakang nna kachyi mi gang je bang di yang grau nna shum mu ai hte grau nna namchyim nga ai shat mai ntsin byin tai wa lu ai re. Rai na shi hpe shaprut tawn na ya yawng hkut sai nga jang dai kaw hkri hpa gaw ndai mahkri jahkraw bang nna shat mai ntsin bang ai. Ndai shadu sha shaloi manam pyaw hkra ngu na shingtawn pan ni bai bang jahkrat ni jang. Shaloi gaw bum ga shadu sha ai sha nrai anhte Jinghpaw ni a shat mai grai mu ai shat mai ntsin shi a manam pyaw sama hte namchyim rawng ai shat mai ntsin hpe e lu sha mai lu ai re. . Language as given: Jinghpaw