BOSHLANG'ICH SINF O'QUVCHILARINING MEDIA-SAVODXONLIGINI OSHIRISHDA PEDAGOGLARNING AXBOROT KOMPETENTLIGI: MUAMMO VA YECHIMLAR

XXI asrning uchinchi o‘n yilligiga kelib, insoniyat raqamli texnologiyalar va sun’iy intellekt tizimlari jamiyat hayotining barcha jabhalarini qamrab olgan mutlaqo yangi ijtimoiy-iqtisodiy va madaniy makonda yashamoqda. Bugungi kunda axborot shunchaki ma’lumotlar yig‘indisi emas, balki strategik resurs, shaxs dunyoqarashini shakllantiruvchi va boshqaruvchi quvvatli vositaga aylandi. Bunday sharoitda jamiyat oldida turgan eng mas’uliyatli vazifalardan biri — jadal sur’atlar bilan o‘zgarib borayotgan axborot muhitiga moslasha oladigan, undan kasbiy va shaxsiy maqsadlarda unumli foydalana oladigan hamda turli manipulyatsiyalarga qarshi barqaror tura oladigan yosh avlodni tarbiyalash hisoblanadi.