ARAB VA O'ZBEK TILIDAGI "QIZIL" LEKSEMASINING LINGVISTIK TAHLILI

Mazkur maqolada arab va o‘zbek tillaridagi “qizil” rangini ifodalovchi leksemaning lingvistik xususiyatlari qiyosiy tahlil qilinadi. Tadqiqotda rang bildiruvchi birliklarning leksik-semantik mazmuni, etimologik kelib chiqishi, stilistik va madaniy-ma’naviy yuklamasi hamda frazeologik qo‘llanilishi yoritilgan. Arab tilidagi aḥmar va o‘zbek tilidagi qizil leksemalarining tarixiy shakllanishi, ularning semantik kengayishi va ramziy ma’nolari tilshunoslik nuqtayi nazaridan izohlanadi. Shuningdek, rang leksemalarining badiiy va publitsistik matnlardagi funksional imkoniyatlari tahlil qilinadi. Tadqiqot natijalari rang nomlarining til va madaniyat o‘rtasidagi uzviy bog‘liqligini ochib beradi hamda qiyosiy tilshunoslik uchun muhim xulosalar chiqarishga xizmat qiladi.