KK1-0648 - Htum hpan nat (The Htum Hpan spirit)

Ya ngai tsun na gaw ndai htumhpang nat ngu ai labau lam hpe tsun na re. Htumhpang nat ngu ai gaw ndai mung num nat sha re. Ya moi num langai mi bungli grai byin ai da, bungli grai galaw ai da. Dai num dai gaw jahpawt shagu mung jau jau mam htu re moi prat kaw na mam htu sha ai prat re nga mam htu re nga kaw shi hpe gaw dai dusat gumra e shi madu jan shatai kau roi kau ai da. Shi hpe yu gumra yu ra di na dai hku maw kau ai majaw dai num dai gaw gumra wa shi e dai hku di ai re nga shi grai myit machyi mat wa grai myit n pyaw mat wa ai majaw shi hkam sha let shi si mat wa ai da. Si mat wa nna she ndai shi a nhta nla ngu na hpe gaw bai nat tai mat wa ai re majaw gaw nat hku na jaw sai shi hpe nat hku na jaw ai majaw shi hpe ah tsawm sha jaw jaw jang gaw dinghku hta re timmung grai hkam kaja grai ngwi pyaw lu lu lu sha lusut lusu nga mu nga mai ai da. Shi hpe jaw n jaw jang gaw shi hpe galaw shut jang gaw mana mung paw wa ga nshaga ai mung nga wa lagaw lata lagyaw lagya re mung nga wa re na grai zingri sha ai nat kanu langai rai mat ai hku re, ndai htumhpang nat ngu gaw. Dai majaw jiwoi jiwa prat kaw na dai ni du hkra nat ndai hpe jaw jang mat wa ai gaw htumhpang nat ngu nna shamying nna nta masha ni dai mam htu kaw nnga mat ai majaw mamhtu ai majaw si mat ai majaw htumhpang nat ngu shamying nna jaw jau hkrat wa ai nat langai re nga na jiwoi jiwa ni hkai hkrat wa ai hpe na lu ai hku re, chye lu ai hku re. Ndai ni a labau hpe nanhte ma ni hpe hkai dan ai hku rai sai law. Grau nna chye chyang kung hpang wa lu na matu nanhte mung sadi na matu nanhte a matu jaw da ai maumwi rai sai ga re. . Language as given: Jinghpaw