ГАЛОФИТ ЎСИМЛИКЛАРНИНГ ЭКОЛОГИК ГУРУҲЛАРИ ВА ШЎРЛАНИШГА МОСЛАНИШ ХУСУСИЯТЛАРИ
收藏资源简介：
Мақолада Ўзбекистонда тарқалган асосий галофит ўсимликларнинг экологик гуруҳлари ҳамда шўрланган муҳитга мосланиш хусусиятлари таҳлил қилинган. Тадқиқот давомида республикада учрайдиган 100 та асосий галофит тури экологик хусусиятлари бўйича таҳлил қилиниб, уларнинг эугалофит, криногалофит ва гликогалофит гуруҳларига мансублиги баҳоланди. Шунингдек, галофитларнинг морфологик, анатомик ва физиологик мосланиш механизмлари замонавий илмий маълумотлар асосида умумлаштирилди. Таҳлил натижалари шўрланган ерларни биологик рекультивация қилиш, чўлланиш жараёнларини чеклаш ва галофит ўсимликлардан оқилона фойдаланишда ушбу турларнинг муҳим аҳамиятга эга эканлигини кўрсатди. Олинган натижалар Ўзбекистоннинг қурғоқчил ва шўрланган ҳудудларида биохилма-хилликни сақлаш ҳамда экологик барқарорликни таъминлаш бўйича илмий асос бўлиб хизмат қилади.
