KK1-1223 - Hkungrang kasha bau ai lam (The child care of the great hornbill)

Transcription (Lu Hkawng) Ya ndai hkungrang kasha bau ai lam re n dai gaw hkungrang gaw kasha bau ai n re hkungrang la gaw kasha n lu ni hpe bau ra majaw she wa yek gawng wa hpe latung krau jaw na matu ma sut saw ai hku re nga, ma bau nchyang saw ai hku re nga hkungrang la wa hte shan gaw shani shagu bau nga sai da. Nhtoi gu wa,ma ni mung kung wa reng gaw lani mi na hta gaw shanhte dai kasha yawng ma kung sai nga nna, mi gaw shi pat da ai nta run kau nna she kawa gaw kasha hpe da kanu hpe da yawng mun tu tsawm wa nna she yawng sha tsawm tawn kanu da kasha da maren ngan di di sha tsawm tawn nna she jan swi rai wa ai hte wo hpun lakung kaw dingren di nna sha dun tawn nna wa yek gawng wa hpe"bai daini gaw nang hpe ma bau karum sai re majaw gaw nang ndai nang ra ai mi lata la u"ngu tsun yang shi gaw yawng maren tsawm ai re nga yang she ka ang na ngu she n rai i,reng she kani jan kanu ngu na hpe she ngai ndai ra ai ngu yang she dai gaw n jaw lu ai law n ni re ngu yang she wa yek gawng wa gaw kaya hkrum mat ai hku re reng nga woo nre sai nga nna she "Chye chye" nga nna daini wo hkrunlam hkan mung grai byin ai le wa yek gawng wa i masha kajawng hpa re jang daini du hkra kyem mat ai, dai gaw ma bau kani hpe kaya hkrum mat, ya daini du hkra gaw anhte hpa mi galaw tim hpa mi rai tim tsun shut shaga shut jang kaya hkrum mat ai le dai majaw daini du hkra tsun ai re nga, wa yek gawng wa a ma bau karum gaw n rai ga law nga le i, dai gaw dai hku re da. . Language as given: Jinghpaw