XURSHID DAVRON IJODIDA MILLIY TARIX OBRAZLARINING IFODASI

Mazkur ilmiy maqolada zamonaviy o‘zbek adabiyotining yirik namoyandalaridan biri bo‘lgan Xurshid Davron ijodida milliy tarix obrazlarining badiiy ifodalanish tamoyillari tahlil qilinadi. Adib asarlarida tarixiy xotira, milliy o‘zlikni anglash, ajdodlar merosiga sadoqat, tarixiy shaxslar siymosining badiiy talqini hamda xalq ruhiyatining aks etishi masalalari keng yoritilgan. Tadqiqot davomida yozuvchining she’riy va nasriy asarlarida Amir Temur, Jaloliddin Manguberdi, Alisher Navoiy, Bobur kabi tarixiy siymolarning poetik talqini, tarixiy voqealarning falsafiy mohiyati va milliy g‘ururni shakllantirishdagi ahamiyati ilmiy jihatdan tahlil qilinadi. Shuningdek, Xurshid Davronning tarixga munosabatida badiiy-estetik tafakkur, tarixiy haqiqat va ijodiy fantaziya uyg‘unligi, tarixiy obrazlarning zamonaviy ruh bilan talqin qilinishi masalalariga alohida e’tibor qaratiladi. Tadqiqot natijasida adib ijodida tarix obrazlari nafaqat o‘tmishni eslash vositasi, balki milliy ma’naviyatni tiklash, yosh avlod ongida vatanparvarlik va tarixiy tafakkurni rivojlantirish omili sifatida xizmat qilishi asoslab beriladi.