ARXEOLOGIK MANBALAR ASOSIDA DINIY BAG'RIKENGLIK MUAMMOLARI TADQIQ QILISH

Mazkur maqolada arxeologik manbalar asosida diniy bag‘rikenglik masalalari tadqiq qilinadi. Tadqiqot davomida Markaziy Osiyo, Yaqin Sharq, Hindiston va Yevropa hududlarida olib borilgan arxeologik qazilmalar natijalari tahlil qilinib, turli diniy konfessiyalar vakillarining bir hududda yashaganligi, ibodat maskanlarining yonma-yon joylashganligi hamda madaniy qatlamlarda diniy sintez holatlarining mavjudligi ilmiy asosda yoritiladi. Shuningdek, Kushonlar davri, So‘g‘d madaniyati, Samarqand va Buxoro hududlaridagi topilmalar asosida diniy bag‘rikenglikning tarixiy ildizlari ochib beriladi. Tadqiqot natijalari diniy bag‘rikenglikning jamiyat taraqqiyotidagi o‘rni va uning arxeologik dalillar bilan tasdiqlanishini ko‘rsatadi.