SANOAT KORXONALARIDA RESURSLARDAN SAMARALI FOYDALANISH VA IQTISODIY SAMARADORLIKNI OSHIRISH YO'LLARI

Mazkur maqolada sanoat korxonalarida moddiy, mehnat, moliyaviy hamda energetik resurslardan samarali foydalanishning nazariy va amaliy jihatlari o‘rganilgan. Resurslardan oqilona foydalanish ishlab chiqarish xarajatlarini kamaytirish, mahsulot tannarxini pasaytirish, mehnat unumdorligini oshirish va korxonalarning raqobatbardoshligini kuchaytirishning muhim omili sifatida tahlil qilinadi. Shuningdek, ishlab chiqarishda raqamli texnologiyalar, avtomatlashtirish, energiya tejamkor uskunalar, "Lean Manufacturing" tamoyillari va zamonaviy boshqaruv yondashuvlarining iqtisodiy samaradorlikka ta'siri baholanadi. Tadqiqot davomida iqtisodiy tahlil, statistik taqqoslash, tizimli yondashuv hamda ilmiy adabiyotlarni tahlil qilish usullaridan foydalanildi. Olingan natijalar sanoat korxonalarida resurslardan foydalanish samaradorligini oshirish ishlab chiqarish xarajatlarini sezilarli kamaytirishi, rentabellikni oshirishi hamda barqaror rivojlanishni ta'minlashini ko‘rsatadi.