BOSHLANG'ICH TA'LIM JARAYONIDA BADIIY MATNLAR VOSITASIDA O'QUVCHILARNING MUSTAQIL FIKRLASH KOMPETENSIYASINI RIVOJLANTIRISH METODIKASI.

Mazkur maqola boshlang‘ich ta’lim jarayonida badiiy matnlar vositasida o‘quvchilarning mustaqil fikrlash kompetensiyasini rivojlantirish metodikasini yoritishga bag‘ishlangan. Unda mustaqil fikrlash tushunchasining pedagogik-psixologik mazmuni, uning o‘quvchi shaxsini shakllantirishdagi ahamiyati hamda badiiy matnlarning didaktik imkoniyatlari ilmiy-nazariy jihatdan tahlil qilinadi. Maqolada badiiy asarlar bilan ishlash jarayonida o‘quvchilarning tahliliy, mantiqiy va ijodiy fikrlash ko‘nikmalarini rivojlantirishga xizmat qiluvchi samarali metod va usullar (muammoli ta’lim, savol-javob, interfaol metodlar, rolli o‘yinlar) tizimlashtiriladi. Shuningdek, boshlang‘ich sinf o‘quvchilarida mustaqil fikrlash kompetensiyasini shakllantirishga qaratilgan metodik yondashuvlar hamda ularni amaliyotda qo‘llash yo‘llari ko‘rsatib beriladi. Maqola yakunida ta’lim jarayonida badiiy matnlardan samarali foydalanish orqali o‘quvchilarning mustaqil fikrlashini rivojlantirish mumkinligi asoslab beriladi va amaliy tavsiyalar taqdim etiladi.