MAKTABGA TAYYORLOV GURUHI TARBIYALANUVCHILARINING MAKTAB TA'LIMIGA IJTIMOIY MOSLASHUVCHANLIGI

Ushbu maqolada maktabga tayyorlov guruhi tarbiyalanuvchilarining maktab ta’limiga ijtimoiy moslashuvchanligini shakllantirish masalalari yoritilgan. Ijtimoiy moslashuvchanlik tushunchasining mazmuni ochib berilib, uning bolaning maktab hayotiga muvaffaqiyatli moslashuvidagi o‘rni tahlil qilingan. Tadqiqot jarayonida ijtimoiy moslashuvga ta’sir etuvchi omillar, jumladan, oila muhiti, tarbiyachining pedagogik faoliyati va bolaning individual psixologik xususiyatlari ko‘rib chiqilgan. Shuningdek, maktabga tayyorlov guruhida bolalarning ijtimoiy moslashuvchanligini rivojlantirishga xizmat qiluvchi samarali pedagogik usul va vositalar tavsiflangan. Mazkur ish maktabgacha ta’lim tashkilotlari pedagoglari va mutaxassislar uchun amaliy ahamiyatga ega.