TAJRIBAVIY GIPERXOLESTERINEMIYADA TALOQDAGI PATOMORFOLOGIK OʻZGARISHLAR

Ushbu tezisda tajribaviy giperxolesterinemiya sharoitida taloqda yuzaga keladigan patomorfologik va funksional o‘zgarishlar mavjud ilmiy adabiyotlar asosida tahlil qilinadi. Giperlipidemiya organizmning lipid almashinuvi buzilishi bilan kechib, nafaqat yurak-qon tomir tizimiga, balki immun tizim organlariga ham kompleks ta’sir ko‘rsatadi. Taloq immun va gematologik jarayonlarda muhim o‘rin tutuvchi organ sifatida ushbu metabolik disbalansga sezgir hisoblanadi. Adabiyotlar tahlili shuni ko‘rsatadiki, yuqori xolesterin sharoitida taloq to‘qimasida mikrotsirkulyatsiya buzilishi, hujayraviy stress, makrofaglar faollashuvi va yallig‘lanish jarayonlarining kuchayishi kuzatiladi. Shuningdek, oq va qizil pulpa strukturasida moslashuv va degenerativ o‘zgarishlar yuzaga kelishi mumkin. Mazkur jarayonlar lipid peroksidlanishi va oksidlovchi stress mexanizmlari bilan chambarchas bog‘liq.