INGLIZ VA O'ZBEK TILIDAGI FRAZEOLOGIK BIRLIKLARNI TALABALARGA O'QITISH METODLARI

Mazkur ilmiy maqolada ingliz va o‘zbek tillaridagi frazeologik birliklarni talabalarga o‘qitish metodlari lingvodidaktik va qiyosiy yondashuv asosida tahlil qilinadi. Frazeologik birliklarning semantik, strukturaviy va madaniy xususiyatlari o‘quv jarayonida inobatga olinishi zarurligi ilmiy manbalar asosida asoslab beriladi. Tadqiqotda frazeologizmlarni o‘rgatishda kontekstual, qiyosiy, kommunikativ va madaniyatlararo yondashuvlarning samaradorligi ko‘rsatib beriladi. Shuningdek, oliy ta’lim muassasalarida xorijiy til sifatida ingliz tilini o‘qitishda frazeologik birliklarning o‘rni va ularni o‘zbek tili bilan qiyoslab o‘rgatishning pedagogik ahamiyati ochib beriladi.